Unchai Thai Restaurant

同事話依間泰國餐廳rating好高。星期五放工就一齊嚟試一試。餐廳只有5丶6張枱。我哋嚟到外面已經有人排隊，好彩客人吃就走，我哋兩個人等咗半個鐘就有位。

Waitress姐姐介紹Boat Noodles Soup和Pad Si Ew with Chicken。我們再加炸雞翼，因為見到差不多枱枱都有點。雞翼炸得超脆超乾身，食到尾都重好脆。配特製蝦皮魚露一起吃好好食。Boat Noodles Soup嘅湯底有豬紅，多重步驟不容易食到。但我覺得味道冇乜特別。

Pad Si Ew係Waitress姐姐個人推介。我第一次食，麵質地係好似陳村粉，師傅炒得很入味，夠乾身，又有鑊氣。加少少餐廳特制辣椒粉一齊食更加正。

雖然吃得很飽但也點了芒果糯米飯。糯米飯加了蝶豆花所以藍色。配冰凉芒果雪芭和濃淍的椰漿好正！

Messa結論：Definitely coming back!